#माझ्यातलीमी
#विकेंडटास्क
#कथालेखन
@everyone
#Reelविरुद्धReal
7/11/25
❤️ #mmreels ❤️
मंजिरी मकरंद दोघेही एकाच शाळेतले. दोघेही अभ्यासात प्रचंड हुशार.दोघांचीही चढाओढ असायची की कोण पाहिलं येईल आणि शेवटी दहावीचा रिझल्ट लागतो आणि दोघांनाही 94% मिळालेले असतात.नंतर दोघेही एकच कॉलेजमध्ये जातात पण मंजिरीला डॉक्टर व्हायचे असते आणि मकरंदला इंजिनियर. त्यामुळे त्यांची दोघांचीही लाईन नंतर वेगवेगळी होते .
शाळेत असताना तर त्या दोघांमध्येही खूप मोठी कॉम्पिटिशन असायचे किंवा त्यांना एक प्रकारची ईर्षा वाटायची एकमेकांबद्दल पण नंतर जसं मंजिरी मेडिकलला जाते आणि मकरंद इंजीनियरिंगला जातो तेव्हा त्या दोघांनाही एकमेकांची आठवण यायला लागते आणि दोघेही एकमेकांच्या नकळत एकमेकांच्या प्रेमात पडतात.
मंजिरी एका हॉस्पिटलमध्ये कामाला लागते आणि मकरंद हा उत्कृष्टरित्या बिझनेस मध्ये सक्सेस होतो आणि मग नंतर दोघेजण लग्न करायच ठरवतात .
लग्नानंतर काही दिवस तर दोघांमध्ये छान जातात कारण त्यांचा प्रेमविवाहच असतो .
पण काही दिवसांनी मकरंद मंजिरीला सांगतो की तू जॉब सोड आणि तू स्वतःचा क्लिनिक सुरू कर. म्हणजे तुला पाहिजे त्या वेळेला तुला क्लिनिक ओपन करता येईल पाहिजे त्या वेळेला तुला बंद करता येईल म्हणजे तुला घराकडेही लक्ष देता येईल.. याच्यामध्ये मकरंदचा थोडा स्वार्थही असतो कारण मकरंद हा घराकडे अजिबात लक्ष देऊ शकत नसतो. एक तर त्याला आवड नसते आणि दुसरी गोष्ट म्हणजे तो त्याच्या कामांमध्ये खूप बिझी असतो. त्याच्यामुळे त्याला मंजिरीच्या करिअर बद्दल एवढी आत्मीयता वाटत नसते.
मंजिरी तयार होते, हॉस्पिटल चा जॉब सोडते आणि ती स्वतःच क्लिनिक काढायचं ठरवते. क्लिनिकसाठी मात्र पूर्ण मकरंद तिला सहकार्य करतो, चांगली जागा शोधणे त्याच्यानंतर तिला पाहिजे त्या पद्धतीने कारण तो सिव्हिल इंजिनियर तसेच इंटिरियर डिझाईनर असल्यामुळे तो एकदम अतिशय उत्कृष्ट पद्धतीने तिला क्लिनिक बनवून देतो . हॉस्पिटल चा जॉब सोडल्याने आणि क्लिनिकच काम प्रोसेसिंग मधे असल्याने , आणि मकरंद जातीने लक्ष देऊन ते करत आहे त्यामुळे मंजिरी त्या कालावधीत अगदी गृहिणी सारखी पूर्ण वेळ घरच्या कामात देत असल्याने मकरंद तिच्यावर खुश असतो.
क्लिनिक तयार झाल्यावर ते दोघेजण एकमेकांच्या व्यवसायाची जाहिरात करण्यासाठी रिल्स करायचं ठरवतात .
मकरंदचा पण व्यवसायाच असतो सिव्हिल इंजिनिअरिंग आणि इंटरियर डिझाईनिंग तसेच तिचा पण व्यवसाय म्हणजे डॉक्टर क्लिनिक आणि ह्या दोन्ही गोष्टींची जाहिरात करण्यासाठी दोघेजण एक अनोखा उपक्रम करायला सुरुवात करतात तो उपक्रम असा की ते दोघेजण रिल्स बनवायला लागतात आणि त्या रिल्स च्या माध्यमातून ते दोघेही एकमेकांचा जो व्यवसाय आहे तो कसा वाढेल यासाठी आता प्रयत्न करतात आणि ते दोघेही दिसायला छान बुद्धिमान आणि एकमेकांना पूरक असल्याने आणि एकमेकांच्या व्यवसायाच्या दृष्टीने फायदेशीर असेच रिल्स बनवत असल्यामुळे त्यांच्या रिल्स तसेच व्यवसायाला
प्रचंड प्रतिसाद सोशल मीडियावरती मिळायला लागतो, फेसबुक वरती, इंस्टाग्राम वरती, यू ट्यूब वरती त्यांचे रिल्स व्हायरल होतात .त्यांच्या रिल्सला खूप चांगला प्रोत्साहन मिळतो आणि हळूहळू मंजिरीचा पण क्लिनिकला चांगला रिस्पॉन्स मिळायला लागतो आणि मकरंदलाही भरपूर काम मिळायला सुरुवात होते.
त्याच्यामुळे होतं असं की दोघेही आपापल्या कामांमध्ये प्रचंड बिझी होतात आणि घराकडे मात्र त्यांच दुर्लक्षच व्हायला लागतं आता मकरंदची अपेक्षा असते की घरातले जे काही आहे ते सगळेच्या सगळे मंजिरीनेच बघावं आणि मंजिरीला असं वाटत असतं की मकरंद ने तिला जरा तरी घराच्या कामांमध्ये मदत केली पाहिजे आणि त्यामुळे हळूहळू त्यांच्या दोघांमध्ये खटके उडायला लागतात.
रिल्स मध्ये जे प्रचंड छान कपल वाटायचे आणि जे लोकांना त्यांच्याबद्दल एक अट्रॅक्शन वाटायचं की मेड फॉर इच अदर कपल एवढे छान आहेत की दोघही एकमेकांना पुरक आहेत, एकमेकांना मदत करतात पण प्रत्यक्ष जीवनात मात्र त्या दोघांमध्ये प्रचंड वाद आणि भांडण वाढायला लागली . इतकं की प्रकरण घटस्फोट होण्यापर्यंत जाणार की काय असं त्या दोघांनाही वाटू लागलं..
एकदा काय होतं की मंजिरीच्या क्लिनिकमध्ये एक म्हाताऱ्या बाई येतात अगदी 80 वर्षाच्या असतील त्या आणि प्रकृतीने एकदम बारीक, हात थरथरता, त्यांचा हात प्रचंड दुखत होता खांद्यापासून .शोल्डर पेन, शोल्डर फ्रोजन अशा टाईपचा त्यांना प्रकार झालेला असतो ..तर मंजिरी त्यांना विचारते एवढं काय झालं ? एवढं कशामुळे हात दुखायला लागला ? तेव्हा त्या मंजिरीला म्हणतात ,”अगं काय सांगू ,ते माझे मिस्टर ना ते बेड रिडन झालेले आणि त्यांच आवरता आवरता माझा हात दुखायला लागला. पण मी त्यांची अगदी शेवटच्या क्षणापर्यंत पूर्ण सेवा केली. त्यांना अंथरुणातून कस तरी बाजूला करायचे त्यांचं ते सगळं अंथरुणातल आवरायचं आणि मग ते सगळं साफसफाई करायचे कारण डायपर लावलं तर ते डायपर काढून टाकायचे ,त्यांना ते सहन नाही व्हायचं. ते सगळं करताना मला प्रचंड तसा शारीरिक त्रास होत होता कारण माझी तब्येत मला साथ देत नव्हती , मी बारीक , माझी ताकद कमी पडायची पण तरीसुद्धा शेवटच्या क्षणापर्यंत मी त्यांची सेवा केली . ते तर गेले ,मी माझं सौभाग्य नाही वाचू शकले, पण हे आताच दुखणं मात्र माझ्या पाठीशी लागल ते लागलं . ते ऐकून मंजिरीच्या डोळ्यात पाणी येत. किती ते पतीप्रेम आणि किती ती पती सेवा.
मकरंदच ऑफिस चांगल एस्टॅब्लिश आता झालेलं असतं त्याला बिझनेस मध्ये छान सक्सेस मिळालेलं असतं आणि त्याच्यामुळे त्याने त्याचा स्टाफ वाढवलेला असतो .तर होतं असं की त्याच दिवशी त्याच्या स्टाफ नुकतेच जॉइन झालेले एक पन्नाशीचे गृहस्थ असतात ते मकरंदला म्हणतात की मला माहिती आहे मी आत्ताच नवीन जॉईनिंग केलेल आहे तुमच्या ऑफिसमध्ये. पण तरीसुद्धा मला उद्या सुट्टी हवी आहे सर तर प्लीज माझी सुट्टी तुम्ही मान्य करा ..मकरंद विचारतो , ” तुम्हाला का सुट्टी हवी आहे ? ” तेव्हा ते सांगतात की माझी बायको मागच्या महिन्यात गेली. उद्या तीच मासिक आहे . मी तिच्या सेवेसाठी खरं म्हणजे माझा आधीचा जॉब सोडला होता कारण तिला कर्करोग डिटेक्ट झालेला होता. मी तिची शेवटपर्यंत सेवा केली .पण मी माझ्या बायकोला वाचवू नाही शकलो . त्या कर्करोगामध्ये शेवटी तिचं निधन झालं . उद्या तिच मासिक आहे आणि मी ठरवलेलं आहे की मी तिचं दर महिन्याचा मासिक करणार. मकरंद त्यांना विचारतो, ” तुमच्या घरी कोण कोण आहे ? ” ते उत्तर देतात की मी एकटाच आहे कारण माझा मुलगा आहे तो परदेशात असतो मुलीचही लग्न झालेला आहे आणि ती पण या शहरात राहत नाही. त्याच्यामुळे मी एकटाच आहे . मकरंद त्यांना विचारतो ,” मग तुम्ही एकटे मासिक कसं करणार? ” तेव्हा ते उत्तर देतात की मी आणि माझी बायको आम्ही दोघेही नोकरी करायचो, त्याच्यामुळे आम्ही दोघेही घरात एकमेकांना मदत करायचो .मला पूर्ण स्वयंपाक येतो कित्येक प्रसंगी माझ्या बायकोला घरी यायला वेळ व्हायचा तेव्हा मी पूर्ण स्वयंपाक करून तयार ठेवायचो आणि त्यामुळे मला सवय आहे मी पूर्ण व्यवस्थित तिच मासिक पार पडेल जेवढं मला माझ्या पद्धतीने बनवता येईल तेवढे सगळे मी बनवणार सगळ्या विधी करणार आणि पहिल्या वर्षातले प्रत्येक महिन्याचं मासिक मी तिचं करणार हीच माझ्याकडून तिला श्रद्धांजली, प्रेमाची आदरांजली ..ते ऐकून मकरंदला त्याची चूक कळते .
क्लिनिक मध्ये मंजिरी ही तिच्या विचारात असते. तिलाही वाटत असतं की अगदी आपली भांडणं एवढी विकोपाला गेली कारण मकरंद मला मदत करत नाही आणि मकरंद हा त्याच्याच विश्वामध्ये मग्न असायचा म्हणून मी त्याचा राग राग करायचे ,त्याच्याशी भांडायचे ,त्याला वाटेल ते बोलायचे .त्यामुळे फक्त भांडण वाढायचे आणि शेवटी तो मला मदत तर करायचाच नाही .पण शेवटी कुठेतरी ह्यातून मार्ग काढायला हवा .घटस्फोट हा नक्कीच त्यावरचा मार्ग नाही. मंजिरी या संदर्भात मकरंदशी न भांडता, शांतपणे बोलायचं ठरवते.
मकरंदला ही त्या गृहस्थांशी बोलल्यानंतर त्याची चूक कळलेली असते आणि तो विचार करतो की आपण खूप मोठी चूक झाली हे मान्य करायचे आणि जेवढं होईल तेवढं घरातही तिला सहकार्य करायचं ,तिला त्रास होणार नाही याची पूर्ण काळजी घ्यायची आणि आपण दोघांनी मिळून छान घर संसार करायचा ह्याच प्रॉमिस तिला द्यायचं .
त्याप्रमाणे ते दोघे एकमेकांशी बोलायचं ठरवतात .त्या रात्री जेव्हा मंजिरी मकरंद कडे विषय काढते की मकरंद मला तुझ्याशी बोलायचंय. मकरंद म्हणतो,” मलाही तुझ्याशी बोलायचंय .मला आधी बोलू दे मंजिरी , मला तुला हे सांगायचं आहे की याच्यापुढे आपण अशा रिल्स बनवूया की त्या रिल्स मधून लोकांना हे कळेल की दोघेही नवरा बायको जेव्हा कामात असतात , कामात व्यस्त असतात तेव्हा दोघांनी एकमेकांना घरात मदत केली पाहिजे.
मंजिरी म्हणते ,” म्हणजे मकरंद मला कळलं नाही तू मला मदत करायला तयार आहेस का ? ”
मकरंद म्हणतो , ” हो मला माझी चूक कळली. मी तुझ्याकडून अपेक्षा करत होतो की तूच सगळं घरातलं करावं आणि मी मात्र फक्त बाहेरच सांभाळावं ते माझे विचार , माझं वागणं खरच चुकीच होत . तू ही तुझ्या क्षेत्रात तेवढीच हुशार आहेस. अगदी शाळेत असल्यापासून मी तुला बघतो आहे ,माझ्या एवढीच तू हुशार आहेस आणि तरीसुद्धा मी अशी अपेक्षा करत होतो की घरातली सगळी काम तूच करावे खरोखर मी तुला त्याबद्दल खूप त्रास दिला मी तुझी मनापासून माफी मागतो .”
मंजिरी म्हणते ,” जरी माझी अपेक्षा तू मला मदत करावी ही चुकीची नव्हती , पण तू मला मदत करू शकत नव्हता, त्याच्यासाठी मी तुझ्याशी भांडत होते ,कधी कधी तुझा अपमान करत होते ,तुला खूप दुखवत होते , खूप राग राग करत होते, ते माझंही चुकत होत .ते मी तसं नको करायला पाहिजे होतं . माझी चूक मलाही कळलेली आहे .त्याच्यामुळे आता याच्यापुढे मी पण तुला समजून घेईल आणि तू पण मला समजून घे .हो आणि तुझं म्हणणं हे अगदी बरोबर आहे आपण आता अशा पद्धतीने पण रिल्स करूया , सोशल मीडियावरून आपण जेवढ्या अशा प्रकारच्या रिल्स व्हायरल करू, तेवढ आपल्यासारख्या तरुण कपल्स ना हे समजेल की संसार करताना कसे एकमेकांना सांभाळून संसार केला पाहिजे , एकमेकांचे करिअर एकमेकांसाठी तेवढेच महत्त्वाचे असले पाहिजेत आणि एकमेकांना तेवढीच मदत केली पाहिजे. ” असं म्हणून मंजिरी आणि मकरंद आनंदाने एकमेकांना मिठी मारतात..
मकरंद मंजिरीला म्हणतो की रिल्स फक्त मनोरंजन नाही तर व्यवसायाच्या फायद्यासाठी तसेच नवरा बायकोच नात घट्ट व्हावं ह्यासाठी आपण बनवल्या हा एक चांगला संदेश ही आपण सोशल मीडियावर तरुणांना देऊ शकू . तर चल आता रिल्स बनवायच्या तयारीला लागूया.
दोघेजण त्यांच्या रिल्स पोस्ट करताना #mmreels लिहून व्हायरल करायचे . मकरंद मंजिरीच्या marriage material reels.
सौ स्वाती येवले