# माझ्यातली मी
# लघुकथा लेखन टास्क
दि 10 नोव्हेंबर 25
स्वप्न मोफतच असतात पण त्यांचा पाठलाग करतांना किमंत मोजावी लागते
देशसेवा
आज जवळपास दोन वर्षांनी जयदेव घरी येणार होता. दोन दिवसापूर्वीच त्याच्या सोबत आर्मीमध्ये असणाऱ्या एका मित्राने फोन केला होता. जयदेव विशेष टास्क फोर्स वर होता त्यामुळे त्याचा सपंर्क होऊ शकत नव्हता टास्क फोर्स चा कालावधी संपल्यावर तो त्याच्या युनिट मध्ये दाखल होणारच होता ..पण…. .. एका मित्राकडून फोन आल्यवर सुप्रियाला बातमी कळली होती.
सुप्रिया एका आर्मी ऑफिसर ची मुलगी होती.लहानपणापासुन ती आर्मी च जीवन बघत आली होती….बहादरी,धाडस,देशाभिमान तिच्या रक्तातच भिनलेले होते. तिला स्वतःला च आर्मीत जायचे होते पण फिजीकल फिटनेस मुळे तिने माघार घेतली. पण पुढे डॉ. होऊन आर्मीतच सेवा सुरु केली. हे करत असतांना जयदेव सोबत ओळख झाली .दोघे विवाहबद्ध झाले. दोघांचा पण घाडसी स्वभाव… त्यामुळे जयदेव ने आर्मी च्या गुप्तहेर फोर्स मध्ये जावे असे दोघांनाही वाटत होते. शेवटी त्याची निवड होऊन त्या दोघांचे स्वप्न पुर्ण झाले. तू देशसेवा कर मी जवानांची सेवा करत संसार पण साभांळेल असे प्रियंकाने जयदेवला वचन दिले.
,आता जवळपास दोनवर्ष होत आली होती. . दोघांचाही सपंर्क नव्हता. त्याच्या आई वडिलांना मात्र ती आज फोन आला, बोलण झाल अस खोटच सांगत असे कारण त्या म्हाताऱ्या जीवांना तिला दु:ख द्यायचे नव्हते. आज देखील तिच्यावर कठीण वेळ आली होती…. जयदेव येणार होता …पण त्याचे पार्थिव तिरंग्यात लपेटून . देशसेवा देत असता तो शहिद झाला होता… कधी, कुठे, कसा हे मात्र गुप्तच राहणार होते.
त्या दोघांनी मिळून पाहिलेल्या देशसेवेसाठीच्या स्वप्नांची जबरदस्त किमंत तिला मोजावी लागली. आई वडिलांना सोबत घेऊन जयदेव ला शौर्य चक्र अर्पण करण्यास सामोरे जावे लागणार होते ..ही त्याहून मोठी किमंत होती.
विनया देशमुख
शब्द संख्या… 245