#माझ्यातलीमी


#माझ्यातलीमी
#लघुकथाटास्क(१०/११/२५)
#स्वप्ने_मोफतच_असतात_फक्त_त्यांचा_पाठलाग_करताना_ _किंमत_मोजावी_लागते.
ममता साध्या मध्यमवर्गीय कुटुंबात जन्मलेली, पण तिला शिक्षणाची फार आवड होती. त्यासाठी ती पार्ट टाइम जॉब करून आपले शिक्षण पूर्ण करण्यासाठी प्रयत्न करत होती. एकूणच काय, म्हणजे तिला आपल्या परिस्थितीची चांगली जाणीव झाली होती.
पण तिच्या मावस भावंडांना लहानपणाचे सर्व काही वेळच्या वेळी मिळत गेले होते, त्यामुळे त्यांना परिस्थितीची जाणीव किंवा झळ पोहोचली नव्हती. दोन्ही मावस बहिणी लग्न होऊन सासरी गेल्या होत्या, तेव्हा त्यांच्या सासरची आर्थिक परिस्थिती माहेरच्या पेक्षा कमी होती.
आता या सर्व गोष्टींशी जुळवून घेताना त्यांच्या नाके नऊ येऊ लागले.
याच दरम्यान ममताचे लग्न ठरले, पण तिला माहेरच्या मानाने सासर आर्थिक दृष्ट्या खूप छान होते. सासरची मंडळी शिकली-सवरलेली होती, त्यामुळे ममता त्या घरात पटकन आपलीशी झाली. ममताचा अभिमान सासरच्या मंडळींना खूप होता, कारण स्वकष्टाने तिने शिक्षण पूर्ण केले होते. त्याचबरोबर आपल्या लग्नासाठी थोडेफार पैसे साठवले होते आणि दागिनेही करून ठेवले होते. फक्त आपलाच विचार न करता तिने आपल्या सख्या भावंडांनाही चांगले शिक्षण दिले होते.
ममताने जेवढी स्वप्ने पाहिली होती तेवढी सगळी पूर्ण झाली होती, पण
स्वप्ने मोफतच असतात, फक्त त्यांचा पाठलाग करताना किंमत मोजावी लागते. तेव्हा कुठे जाऊन आयुष्यात काही तरी वेगळे केले म्हणून हे फळ मिळाले, असे ममताला आज वाटत होते.
#शब्द_संख्या_१८१ .
#१०_११_२०२५_सोमवार
©️®️ #सौअपर्णाजयेशकवडे.