#माझ्यातलीमी #विकएंड टास्क

माझ्यातलीमी: सौंदर्याचे रंग हजार
#विकएंडटास्क #रेडिओ_शो #मी_आरजे #सौंदर्यटिप्स
हाय, हॅलो, नमस्कार! मी आरजे अपर्णा!
तुम्ही ऐकत आहात 88.5 FM, आणि आता दुपारचे तीन वाजले आहेत. मी परत एकदा तुमच्यासाठी घेऊन आली आहे तुमच्या आवडता रेडिओ शो! होय, होय… तुम्ही बरोबर ओळखलं! आजचा विषय आहे #सौंदर्याचे_रंग_हजार, आणि आपण बोलणार आहोत एका खास व्यक्तिमत्त्वाशी, ज्यांच्या जादुई हातांनी अनेक बॉलीवूड अभिनेत्रींना सौंदर्याची नवी उंची गाठायला मदत केली आहे. पण त्याआधी, चला ऐकूया एक छानसं गाणं…
🎵 हिल हिल पोरी हिला, तुझ्या…
🎵 सांग कधी कळणार तुला, भाव माझ्या मनातला…
जाहिरात:
वेदना आणि आखडण्यापासून त्वरित आराम… आयोडेक्स!
डोक्यात कोंडा? काळजी नको! हेअर अँड शोल्डर्स शॅम्पू आहे ना तुमच्या सोबतीला!
आजच्या शोचा विषय आणि खास पाहुणी
आज आपण बोलणार आहोत ओजस रजनी यांच्याशी, ज्या चित्रपटसृष्टीतील एक प्रसिद्ध मेकअप आर्टिस्ट आहेत. त्यांनी श्रीदेवी, माधुरी दीक्षित, ऐश्वर्या राय-बच्चन, उर्मिला मातोंडकर, प्रियंका चोप्रा, कतरिना कैफ यासारख्या ग्लॅमरस अभिनेत्रींना सौंदर्याची नवी व्याख्या दिली आहे. ओजस रजनी यांचं व्यक्तिमत्त्वच इतकं आकर्षक आहे, की त्यांना पाहून प्रश्न पडतो, “ही बाई पडद्यामागे काय करते? ती तर स्वतःच एखाद्या अभिनेत्रीप्रमाणे दिसते!”
चला, थोडा विश्रांती घेऊया आणि परत येऊया. तोपर्यंत तुम्ही ऐका ही गाणी…
🎵 सख्या रे, घायाळ मी हरिणी…
🎵 जांभूळ पिकल्या झाडाखाली…
🎵 हा खेळ सावल्यांचा…
🎵 धुंदीत गाऊ, मस्तीत राहू…
जाहिरात:
भांडी लखलखीत करायទीण करायची? लिंबू युक्त विम बार आहे ना!
आराधना स्पेशल देवभक्ती अगरबत्ती – तुमच्या घरात पवित्र वातावरण!
ओजस रजनी यांच्याशी गप्पा
मी_आरजे_अपर्णा: परत एकदा स्वागत! आज आपल्या शोमध्ये आहेत प्रसिद्ध मेकअप आर्टिस्ट ओजस रजनी. ओजस, सर्वप्रथम सांग, तू ज्यांना सौंदर्यवती बनवलं, त्यांच्याबद्दल थोडंसं सांग.
ओजस: मी श्रीदेवी, माधुरी दीक्षित, ऐश्वर्या राय-बच्चन, उर्मिला मातोंडकर, प्रियंका चोप्रा, कतरिना कैफ यांच्यासोबत काम केलं आहे. गेल्या काही वर्षांपासून मी विशेषतः ऐश्वर्या राय-बच्चन यांच्यासाठी काम करते. त्यांचे मागील पाच-सहा चित्रपट मी केले आहेत. मिस वर्ल्ड, मिस इंडिया आणि बॉलीवूडची सुपरस्टार असलेल्या ऐश्वर्याला रंगभूषा करताना मला खूप अभिमान वाटतो. त्यांच्यासोबत काम करणं हा एक अविस्मरणीय अनुभव आहे.
मी_आरजे_अपर्णा: वाह! खूपच छान! चला, आता थोडा ब्रेक घेऊया. बाहेर रिमझिम पाऊस पडतोय, तर तुम्ही ऐका ही गाणी आणि आम्ही लगेच परत येतो!
🎵 काळ्या मातीत मातीत…
🎵 लखलख चंदेरी…
🎵 रुपेरी वाळूत, माडांच्या बनात ये ना…
🎵 जांभूळ पिकल्या झाडाखाली…
जाहिरात:
एक कप आलं घातलेला चहा… ब्रूक बॉण्ड रेड लेबल!
प्रिया हरी अँप… माझा टाइम यायचा आहे… किटकॅट!
मेकअप आर्टिस्टच्या कारकिर्दीची सुरुवात
मी_आरजे_अपर्णा: परत स्वागत! ओजस, तुझ्या मेकअप आर्टिस्टच्या कारकिर्दीची सुरुवात कशी झाली?
ओजस: लहानपणी मला मेकअप आर्टिस्ट म्हणजे काय, हे माहितीच नव्हतं. मी भातुकलीच्या खेळात माझ्या बाहुल्यांना सजवायचे. घरातली पावडर, कुंकू, लिपस्टिक वापरून मी माझ्या आई आणि बहिणींना नटवायचे. माझ्या वडिलांना हा वेडेपणा वाटायचा, ते मला ओरडायचे! पुढे मला कॉस्ट अकाउंटिंगची नोकरी लागली, पण मला त्यात रस नव्हता. मी हिय्या करून ती नोकरी सोडली आणि चॅनल V च्या VJ साठी मेकअप करायला सुरुवात केली. “मिस्चीफ” या ब्ल्यूटूथच्या फॅशन ब्रँडसाठी माझ्या कामाची दखल घेतली गेली. तिथून प्रसिद्ध फॅशन डिझायनर अण्णा सिंग यांनी मला “साजन” चित्रपटासाठी माधुरी दीक्षित आणि संजय दत्त यांच्यासोबत काम करण्याची संधी दिली. तिथून माझी खरी कारकीर्द सुरू झाली.
मी_आरजे_अपर्णा: वाह, किती प्रेरणादायी प्रवास! चला, थोडा विश्रांती घेऊया आणि परत येऊया.
🎵 घेई छंद मकरंद…
🎵 बाई माझी करंगळी मोडली…
🎵 फिरत्या चाकावरती देसी मातीला आकार…
🎵 मोगरा फुलला…
जाहिरात:
आई, डाग पडलेत? काळजी नको, सर्फ एक्सेल आहे ना!
पांढरे केस? गोदरेज हेयर डाय आहे तुमच्या सोबतीला!
अभिनेत्रींसोबतचे अनुभव
मी_आरजे_अपर्णा: ओजस, तू अनेक नामवंत अभिनेत्रींसोबत काम केलंस. त्यांना रंगभूषा करताना तुझे अनुभव काय आहेत?
ओजस: प्रत्येक अभिनेत्रीचं व्यक्तिमत्त्व आणि गरजा वेगळ्या असतात. त्यांच्या चित्रपटातील भूमिकेनुसार रंगभूषा करावी लागते. उदाहरणार्थ, ऐश्वर्या आणि माधुरी या नैसर्गिक सौंदर्यवती आहेत. त्यांना हलकासा मेकअपही पुरेसा ठरतो. मलायका अरोराची त्वचा सावळी असली, तरी तिच्या चेहऱ्याला खास चमक आहे. श्रीदेवी यांच्याकडे भारतीय सौंदर्याचं परिपूर्ण मिश्रण आहे. मी त्यांच्यासोबत “खुद्दार,” “मिस्टर इंडिया,” आणि “रूप की रानी चोरों का राजा” या चित्रपटांसाठी काम केलं. श्रीदेवी शूटिंगदरम्यान खूप सहकार्य करायच्या, मग कितीही थंडी असो! उर्मिला मातोंडकरसाठी “दौड” आणि “प्यार तूने क्या किया” या चित्रपटांमध्ये मी काम केलं. तिच्या “प्यार तूने क्या किया” मधील भूमिका आव्हानात्मक होती. तिच्या डोळ्यांसाठी खास लेन्स आणि ग्लॉसी लिप्सचा वापर केला होता.
मी_आरजे_अपर्णा: कमाल आहे! चला, थोडा ब्रेक घेऊया.
🎵 झोका दे, झोका दे…
🎵 मी कशी ओढ बाई…
🎵 बाई बाई, मनमोराचा कसा पिसारा…
🎵 रेशमाच्या रेघांनी, लाल-काळ्या धाग्यांनी…
जाहिरात:
आई, भूक लागली? दोन मिनिटांत मॅगी!
बाळ रडतंय? ग्राइप वॉटर द्या!
‘रोबोट’ चित्रपटातील आव्हान
मी_आरजे_अपर्णा: ओजस, ऐश्वर्या रायचा “रोबोट” चित्रपटातील लूक खूप गाजला. त्याविषयी सांग.
ोजस: “रोबोट” मधील ऐश्वर्याचा लूक फ्यूचरिस्टिक होता. पाच गाणी आणि नृत्यांसाठी वेगवेगळे लूक तयार करावे लागले. शूटिंग अमेरिका, पेरू, ब्राझीलच्या वाळवंटात झालं. प्रचंड थंडी आणि उष्णतेत काम करणं आव्हानात्मक होतं. ऐश्वर्याच्या त्वचेला लालसरपणा येऊ नये म्हणून खास काळजी घ्यावी लागली. मच्छर आणि कॅमेरा लायटिंग यामुळेही अडचणी आल्या. प्रत्येक लूकसाठी चार तास लागायचे, पण ऐश्वर्याची चिकाटी आणि मेहनत पाहून मी थक्क झाले.
मी_आरजे_अपर्णा: खरंच प्रेरणादायी! चला, आणखी एक छोटा ब्रेक.
🎵 फिटे अंधाराचे जाळे, झाले मोकळे आकाश…
🎵 विठू माऊली, ही माऊली, जगाची माऊली…
🎵 डौलाने हाक जरा, आज नाव रे…
जाहिरात:
आई, लोणचं मसाला कुठला? बेदेकर लोणचं मसाला!
मीठ आहे का? टाटा सॉल्ट आहे ना!
सौंदर्य क्षेत्रातील बदल
मी_आरजे_अपर्णा: ओजस, गेल्या 20-25 वर्षांत सौंदर्य क्षेत्रात काय बदल झाले?
ोजस: पूर्वी “नमकहलाल” किंवा “रजिया सुलतान” सारख्या चित्रपटांमध्ये परवीन बाबी, हेमा मालिनी यांचे लूक तयार करण्यासाठी खूप मेहनत लागायची. तेव्हा मॅकसारखी आधुनिक उत्पादने नव्हती. आज मॅक, बॉबी ब्राउन यासारखी उत्पादने उपलब्ध आहेत. आता नायिकांना नैसर्गिक लूक आवडतो. कतरिना कैफ लिपग्लॉस आणि लिप बामवर शूटिंग करते, तर दीपिका हलक्या फाउंडेशन आणि मॅट लिप्स पसंत करते. सनस्क्रीन, लाइट फाउंडेशन, आयलायनर आणि ग्लॉसी लिप्स हा आता ट्रेंड आहे.
मी_आरजे_अपर्णा: वाह, खूपच माहितीपूर्ण!
तरुणींसाठी सौंदर्य टिप्स
मी_आरजे_अपर्णा: ओजस, ज्या तरुणींना कमी वेळेत तयार व्हायचं आहे, पण जास्त मेकअप करायचा नाही, त्यांच्यासाठी काही टिप्स?
ओजस: सौंदर्य ही दैवी देणगी नाही, तर ती आत्मविश्वास आणि काळजी यातून येते. चहा, कॉफी, जंक फूड, तंबाखू टाळा. सात-आठ तास झोप आणि संतुलित आहार घ्या. तुळशीची पाने आणि कोरफड युक्त क्रीम त्वचेसाठी उत्तम आहे. सनस्क्रीन, हलकी पावडर, लिप बाम आणि काजळ यानेही मुली सुंदर दिसू शकतात. आत्मविश्वास हा तुमचा खरा मेकअप आहे!
मी_आरजे_अपर्णा: अप्रतिम सल्ला!
निरोप
मी_आरजे_अपर्णा: रसिक श्रोत्यांनो, वेळ झाली आहे निरोप घेण्याची. ओजस, तुझ्याशी गप्पा मारणं खूप आनंददायी होतं! श्रोत्यांनो, तुम्हाला हा शो कसा वाटला? आम्हाला तुमचे प्रश्न, प्रतिक्रिया नक्की कळवा. आमच्या सोशल मीडियावर फॉलो करा आणि पुढच्या शोसाठी तयार रहा! तुम्ही ऐकत आहात 88.5 FM. मस्त झोपा, स्वस्थ रहा!
🎵 आला आला वारा, संगे पावसाच्या धारा…
🎵 रिमझिम पाऊस पडे सारखा…
जाहिरात:
मच्छरांचा त्रास? गुड नाइट अगरबत्ती लावा!
गव्हाचं पीठ संपलं? चक्की फ्रेश आटा आहे ना!
शनिवार, १२ जुलै २०२५
©️ ®️#सौ_अपर्णा_जयेश_कवडे.