# माझ्यातली मी #
***** लघुकथा लेखन टास्क *****
… स्वप्न मोफतच असतात पण त्याचा पाठलाग करताना किंमत मोजावी लागते या वाक्यावरून…
……….. स्वप्न स्त्रीत्वाचे……….
निकिता आणि निलेश बाळाच्या स्वप्नात रंगले होते. लग्नाला तीन वर्षे झाली होती. निकिताचे सासू-सासरे सारखे मागे लागायचे. दोघांचीही तपासणी करण्यात आली. कोणातच दोष नव्हता. निलेश म्हणाला, प्रयत्न करणे आमच्या हातात आहे पण त्याचे फळ मिळणे नियतीवरच अवलंबून आहे. आता सारखे मागे लागून तिला जास्ती दुःखी करू नका.
निलेश त्याच्या ऑफिसमध्ये गेला. ऑफिसमध्ये गेल्यावर आईच्या वाक्याने तो नाराज झाला. त्याचे कामाकडे लक्ष लागत नव्हते. त्याने निकिताला फोन केला व कशी आहेस विचारले.
निलेश,
मी ठीक आहे रे पण हे आईचं रोजचं बोलणं ऐकून मी कंटाळले रे. आपण दोघांनी बाळाची किती स्वप्न रंगविली. आपल्या नशिबात आहे की नाही रे बाळ.
तो म्हणाला,
असा नकारात्मक विचार करू नकोस. होईल सगळे व्यवस्थित असे म्हणून त्याने फोन ठेवून दिला.
एक दिवस अचानक तिला उलट्यांचा त्रास झाला. तिला काही कळेना. क्षणिक ही गोड बातमी तर नसेल हा विचार तिच्या मनात येऊन गेला. निलेशला आल्यावर तिने सांगितले. उद्या बघू असे म्हणून ते दोघे झोपायला गेले. सकाळी उठल्यावर परत उलट्यांचा त्रास सुरू झाला. त्यामुळे ती हैराण झाली. डॉक्टरांकडे जाऊन तिने चेकअप करून घेतला. आणि तिला गोड बातमी कळली. पण ती गुड न्यूज दोन महिन्यातच बॅड न्यूज ठरली. तीन महिन्यानंतर बाळाची वाढच थांबली. त्यामुळे नाईलाजाने काढून टाकावे लागले. स्वप्नही मोफतच असतात. आयती संधी चालून आलेली ती पण निष्फळच ठरली.
मग दोघांनी आता आपण थांबायचे नाही. IVF करून घ्यायचा निर्णय घेतला. ही ट्रीटमेंट म्हणजे वेळ, पैसा, त्यात होणारा त्रास व मानसिक व भावनिक संघर्ष करूनच याचे फळ मिळते. अतोनात पैसा ओतून ही ट्रीटमेंट पूर्ण केली. ती गरोदर राहिली व एक गोंडस मुलगी जन्माला आली.
स्वप्न पाहणे सोपे असले तरी ती प्रत्यक्षात आणण्यासाठी खूप मेहनत आणि त्याग करावा लागतो.
म्हणूनच म्हणतात,
” स्वप्न मोफतच असतात पण त्याचा पाठलाग करताना किंमत मोजावी लागते. ”
….. शब्द संख्या २५८….
…… अंजली आमलेकर…..१०/११/२५