#माझ्यातली मी
#लघुकथा लेखन
@everyone
शीर्षक -स्वप्न, त्याग आणि त्याची किंमत
“स्वप्न मोफतच असतात, फक्त त्यांचा पाठलाग करताना किंमत मोजावी लागते.”
सागर हा एका लहान शहरातील मिठाईवाल्याचा मुलगा. त्याच्या वडिलांचे दुकान छोटे होते, पण स्वप्न मात्र खूप मोठे होते—त्याला डॉक्टर व्हायचे होते. महागडे कोचिंग क्लासेस किंवा पुस्तके घेणे त्याला शक्य नव्हते.
वडिलांनी सागरच्या शिक्षणासाठी मोठा त्याग करण्याचा निर्णय घेतला. त्यांनी आपले छोटेसे मिठाईचे दुकान विकले आणि शहरात एका कारखान्यात दुसरे काम स्वीकारले.तर आई त्याच दुकानात कामगार म्हणून कामास राहिली. ‘बाळा, तू डॉक्टर झाल्यावर आपल्या घराला लागलेला साखरेचा वास जाईल आणि दवाखान्यात औषधांचा सुगंध दरवळेल.
रात्री दुकान बंद झाल्यावर , आई आणि मुलगा पणतीच्या प्रकाशात अभ्यास करायचे. हीच होती त्यांच्या स्वप्नाच्या पाठलागाची किंमत.
पहिली परीक्षा अपयशी ठरली, तेव्हा सागरला खूप वाईट वाटले. हे अपयश म्हणजे त्याच्या स्वप्नाची भावनिक किंमत होती. पण आईने त्याला सावरले, “बाळा, लोकांच्या चेहऱ्यावर हसू आणणे, ही तर आपल्या हलवाई कुटुंबाची परंपरा आहे!”
दुसऱ्या प्रयत्नात सागरने मानसोपचार (Psychiatry) हा विषय निवडला आणि यशस्वी झाला. आज डॉ. सागर एक यशस्वी मानसोपचारतज्ज्ञ आहे.
त्याने आपल्या दवाखान्याच्या बाजूलाच वडिलांचे मिठाईचे दुकान पुन्हा उभे केले. तो अनेकदा आपल्या उदास रुग्णांना ‘गोड खा आणि चांगले विचार करा’ म्हणून मोफत मिठाई देतो.
सागरने सिद्ध केले की स्वप्न मोफत असले तरी, आई-वडिलांच्या त्यागाची किंमत मोजल्याशिवाय त्याची गोड फळे मिळत नाहीत.
शब्द संख्या 199 ~अलका शिंदे