#माझ्यातलीमी
#लघुकथा लेखन टास्क. (१०/११/२५)
दिलेल्या वाक्यावरून कथा लिहा…
” स्वप्न मोफतच असतात पण त्याचा पाठलाग करताना किंमत मोजावी लागते”
कथेचं शीर्षक :- ” शून्य”
डॉक्टर ईशाचे स्वप्न होते – ” शून्य ऊर्जा बिंदू ” ( झिरो पॉईंट एनर्जी) शोधून जगातील ऊर्जा संकट संपवणे. हे स्वप्न पाहणे तिला तिच्या प्रयोगशाळेतील शांत खोलीत,” मोफतच” होते. अनेक वर्षापासून शास्त्रज्ञांना अपयश आलेल्या या क्षेत्रात यश मिळविण्याची तिची कल्पना तिला ऊर्जा देई .
पण या स्वप्नांच्या पाठलागची किंमत काय? ‘ ‘आयुष्य’ कसे ते पाहूया….. एकट्याने केलेले संशोधन त्यावर कुणी विश्वासच ठेवला नाही. मोठी संस्थाने, फंडिंग एजन्सीज आणि सहकारी शास्त्रज्ञांनी तर तिला ” “वेडी “ठरवले. तिने सरकारी अनुदानही नाकारले. त्याचा हेतू वेगळाच होता, तिने स्वतःच्या बचतीमधून, पार्ट टाइम शिकवणीतून छोटी प्रयोगशाळा घरातच उभी केली. तिचा हा संघर्ष, त्यातून आलेला एकाकीपणा.
शून्य ऊर्जा बिंदूच्या अत्यंत अस्थिर,” प्लॅंक व्हॅक्युम” मध्ये संशोधन करताना ईशाने स्वतःच्या शरीराचे आणि वेळेचेही भान राहिले नाही. कित्येक दिवस ती प्रयोगशाळेतून बाहेरच पडली नाही. ना खाण्याची शुद्ध, ना झोपण्याची. सतत उच्च रेडिएशनच्या वातावरणात काम केल्याने तिची तब्येतही खालावत चालली. तिचे जमलेले लग्नही याच कारणाने मोडले. तिचे हे,” वेड” पती समजूच शकला नाही.
जवळपास 12 ते 13 वर्षांच्या अथक परिश्रमानंतर, प्रयत्नानंतर एका पहाटे कॉम्प्युटर्स स्क्रीनवर,” शून्य ऊर्जा बिंदूची” पहिली स्थिर” फ्रिक्वेन्सी वेव” दिसली. तो क्षण तिच्यासाठी मोक्षासारखा होता. आनंदाश्रू दाटून आले. त्या बारा, तेरा वर्षाच्या एकाकी, वेदनादायी, कष्ट मोजलेल्या किंमतीचे समाधान होते.
जगाने तिला डोक्यावर घेतले. नोबल पुरस्कारासाठी तिचे नाव आघाडीवर आले. मीडियाने तिला,” युगप्रवर्तक” म्हणून गौरवलं. पण ईशाला जाणवलं, जगाला फुकट मिळालेली ही, ” शून्य ऊर्जा” तिने स्वतःचे आयुष्य पणाला लावून मोठ्ठी किंमत देऊन मिळवली होती.
स्वप्न जरी मोफत असली, तरी त्यांना फुलवण्यासाठी दिवस आणि रात्रीचं, कष्टाचं खत पाणी घालावंच लागतं.
शब्द संख्या :- २३५.
सौ. स्मिता अनिल बोंद्रे.
©®