#माझ्यातलीमी
#सुप्रभात
#लघुकथाटास्क (३/११/२५)
@everyone
खाली दिलेल्या वाक्या वरून #लघुकथा लिहा
योग्य वेळी योग्य व्यक्ती कडे व्यक्त झाल्यास आयुष्य तडजोड वाटत नाही ..
**म्हारी छोरियां छोरो से कम है के*
नवी मुंबईच्या डी. वाय. पाटील स्टेडियमवर भारतीय क्रिकेट महिला टीमने जगज्जेतेपद पटकावलं आणि देशात पुन्हा दिवाळी साजरी झाली.
कर्णधार हरमनप्रीत,स्मृती,जेमिमा,रेणुका,दीप्ती अशा सगळ्यांनीच अगदी सगळी शक्ती पणाला लावली.पण फायनल मध्ये सामनावीर ठरली ती शेवटच्या 2 सामन्यात खेळायला फोन करून बोलवलेली शेफाली वर्मा.
भारताला अंडर-१९ विश्वचषक जिंकून दिल्यानंतरही नंतर खेळात सातत्य नसल्याने तिला विश्वचषक संघातून वगळण्यात आले.
उपांत्य सामन्यापूर्वी प्रतीका रावल घोट्याच्या दुखापतीमुळे स्पर्धेतून बाहेर पडली ,त्यामुळे शेफालीला तिच्या जागी बोलावण्यात आले आणि तिने मिळालेल्या संधीच सोन केलं.
शेफाली नऊ वर्षाची असताना स्टेडियमवर सचिन तेंडुलकरची मॅच बघायला गेली आणि तेव्हापासून सचिन तेंडुलकरला आदर्श मानून , क्रिकेट खेळायचे हा निर्धार तिने वडिलांकडे व्यक्त केला.
शेफाली आक्रमक,मुलासारखा लूक .पण ह्या मुलीने बॉयकट ठेवण्यामागे एक मोठं कारण आहे. शेफाली जेव्हा लहान होती, तेव्हा तिच्या गावात मुलींना क्रिकेट खेळण्यास मनाई होती. गावात लोक टोमणे मारायचे “मुलगी असून क्रिकेट खेळते” अशा परिस्थितीत, तिच्या वडिलांनी, तिचं क्रिकेटप्रेम बघून ठरवलं शेफालीचे केस कापले जातील,जेणेकरून ती मुलांसारखी दिसेल आणि कोणाचं लक्ष जाणार नाही. कित्येक वेळा शेफाली तिच्या भावासारखीच दिसत असल्याने लहानपणी भावाच्या नावाने ,त्याच्या जागेवर मुलांच्या टीम मधे क्रिकेट खेळली आहे. बॉयकटलुक तिच्यासाठी फॅशन नसून तिच्या संघर्षाचा एक भाग आहे. तिच्या जिद्दीचं, मेहनतीच, आत्मविश्वासाचं प्रतीक आहे.
आज शेफाली वर्मा फक्त क्रिकेटची स्टार नाही, तर प्रत्येक त्या मुलीची प्रेरणा आहे जी योग्य वेळी तीच स्वप्न साकारण्याचा विचार व्यक्त करते त्यासाठी संघर्ष करते पण आयुष्यात स्वप्न सोडून तडजोड करत नाही.
प्रत्येक मुलामुलीने त्याचं क्षेत्र ,त्यांचा सुयोग्य जोडीदार त्यांच्या आवडीनुसार निवडण्यासाठी योग्य वेळी आईवडिलांकडे व्यक्त व्हायला पाहिजे आणि आईवडिलांनीही त्यानुसार योग्य पारख केली तर आयुष्य कोणालाच तडजोड वाटणार नाही .
सौ स्वाती येवले
शब्दसंख्या ..२५०