#माझ्यातलीमी
#लघुकथालेखन (१०/११/२५)
” स्वप्न मोफतच असतात, फक्त त्यांचा पाठलाग करताना किंमत मोजावी लागते “. हे वाक्य वापरून कथा (१०/११/२५)
**मेहनतीची कास**
सगळ्यांना अपेक्षा होती नववीपर्यंत वर्गामध्ये नेहमी पहिली येणारी आर्या दहावीला बोर्डात येईल पण आजीच्या आकस्मिक निधनाने खचलेल्या आर्याला फक्त 80 टक्के मिळाले आणि बोर्डात येण्याच स्वप्न तिचं भंग होत.निराशेच्या गर्तेत तिला
आत्महत्या कराविशी वाटते.
आई-वडील तिला समजावतात की अपयश यशाची पहिली पायरी समज .आयुष्यात असे प्रसंग येतातच ,पुढे ही येतील, आपण असं एवढं कोलमडून पडायचं नसतं, खंबीर रहायचं असत .आता तरी आम्ही तुझ्याबरोबर आहोत पुढे कदाचित नसू.
त्यामुळे तू एकदम खंबीर व्हायला पाहिजे तुला परीक्षेत कमी मार्क मिळाले ना तर त्याचं आम्हाला एवढं दुःख नाही होणार पण आयुष्याच्या परीक्षेत जर कमी पडली, खंबीर नाही राहिली, अशी निराश झालीस तर आम्हाला असं वाटेल की आम्ही तुला घडवण्यात खूप कमी पडलो..स्वप्नपूर्तीसाठी,मनाच्या खंबीरते बरोबर मेहनतीची कास धर.
आर्याला हे पटतं आणि मग आर्या नवीन जोमाने अभ्यासाला लागते. आर्या इंजिनियर होते इंजिनीयर झाल्यानंतर आर्याला चांगल्या कंपनीत नोकरी मिळते आर्या खूप ठिकाणी भारतात , भारताबाहेर कामानिमित्त प्रवास करते .खूप यशस्वी होते, स्वकर्तुत्वाने ती फ्लॅट घेते,गाडी घेते,करिअरमध्ये मान मिळवते.त्यासाठी प्रचंड मेहनत करताना घर ,संसार,मूल सांभाळत तारेवरची यशस्वीपणे कसरत करून स्वतःची स्वप्नपूर्ती करते .
पण तीच आर्या नंतर मुलाच्या स्वप्नपूर्ती साठी त्याच्या इच्छेखातर स्वतःचा चांगल्या पगाराचा सन्मानाचा सेट जॉब सोडून पूर्ण वेळ मुलाच्या व्यवसायाला शून्यापासून सुरुवात करून त्याच्या स्वप्नपूर्तीसाठी पुन्हा नव्या जोमाने मुलासोबत मेहनतीची कास धरते.स्वप्नपूर्तीसाठी चांगले विचार,आचार, अपयश आलं तरी मनाचा खंबीरपण आणि मेहनतीची कास ह्याशिवाय पर्याय नाही हे तिच्या आईवडिलांनी पाजलेलं बाळकडू मुलाला द्यायला सज्ज होते.
सौ स्वाती येवले
शब्दसंख्या ..२२०