पर्यावरण म्हणजे काय ग ताई? मला ना वरण माहिती आहे. अग,काय हे तुला थोडी तरी माहिती असायला हवी ,पण एक सांगू का? जे माहित नाही ते माहित करून घेण्याची तुझी इच्छा मला आवडली.
पर्यावरण म्हणजे आपल्या आजूबाजूला असलेले हवा, पाणी, जमीन आणि इतर नैसर्गिक घटक. हे आपल्या जीवनासाठी अत्यंत आवश्यक आहे.
पर्यावरण संरक्षण ही केवळ सरकार किंवा मोठ्या कंपन्यांची जबाबदारी नाही, तर प्रत्येक व्यक्तीची जबाबदारी आहे.
पर्यावरणातील विविध जैविक व अजैविक घटक हे मानवासाठी निसर्गाची अनमोल देणगी आहे.
मुंगीपासून ते हत्तीपर्यंत प्रत्येक पशुपक्ष्यांचे, गवतापासून ते मोठ्या वृक्षांपर्यंत सर्व वनस्पतींचे व जलवनस्पतींचे, जलचर-भूचर सर्व प्राणिमात्रांचे पर्यावरण संतुलनात फार मोठे योगदान आहे. त्यामुळे त्यांचे संरक्षण व संवर्धन होणे फार गरजेचे आहे.
निसर्गाने दिलेल्या चेतावणीला वेळीच समजून पर्यावरणाचा समतोल राखण्यासाठी सर्व मिळून प्रयत्न करुया.
आपण सगळे काय करू शकतो ते बघून तुला जमेल तेवढं तू करच आणि इतरांना पण सांग,बघू जस होईल तसं आपण प्रयत्न करायचे.
तुला एक गंमत सांगते लोक परदेशच्या
गोष्टी सांगत असतात तिकडे असच आहे,किती छान वगैरे वगैरे आणि त्याचवेळी स्वतःच्या हातातली प्लॅस्टिकची पिशवी रस्त्यात टाकतात.
ओला आणि सुका कचरा वेगळ्या बादलीत ठेवायचा,E कचरा computer च सामान वगैरे त्यात टाकायचं नाही,घरात जिथे वावर नसेल तिथले light बंद करायचे, नळाचे पाणी वाहू देत ठेवायचं नाही,बाजारात जाताना कापडी पिशव्या घेऊन जात जा.
काय आता थोडफार तरी लक्षांत आलं की नाही? मी साधे, छोटे छोटे आपल्याला करता येण्यासारखे उपाय सांगितले.
तू इतरांना सांगशील त्यात हळू हळू बदल होईल,कोणताही बदल झटक्यात होत नाही,आपण प्रयत्न करत राहायचं.
मी माझ्यापरीने पर्यावरण रक्षण उपाय करत असताना इतरांनाही मार्गदर्शन करणे,त्यांना उद्युक्त करणे माझी जबाबदारी आहे.
ज्योती काळे