#माझ्यातली मी

#माझ्यातली मी
#लघुकथा टास्क

योग्य वेळी योग्य व्यक्तीकडे व्यक्त होता आलं की आयुष्य तडजोड वाटत नाही …

सीमाने स्वतःचा संसार सजवण्यासाठी हाती आलेली नोकरी सुद्धा नाकारली.. आणि दिवस-रात्र संसारात गुंतून स्वतःच्या सुखापेक्षा दुसऱ्यांच्या सुखातच आपलं सुख मानलं …
समीरही तिच्याबरोबर खूप प्रेमाने वागायचा … पण तरीही ती मनातल्या मनात कुढत होती…कितीही जरी चांगलं वागलं तरी तिची सासू तिला नावे ठेवायची.. स्वतः काही काम करायचं नाही पण हिच्या प्रत्येक कामाला नाव ठेवायचं .. या तिच्या स्वभावाने सीमा खूप खचून जात होती . सासूला उलट उत्तर देणं सुद्धा तिला महाग पडायचं , कारण समीर आल्यावर ती तिखट मीठ लावून सांगायची .. आणि तो राग मग समीर सीमावर काढायचा. आणि त्यांच्या नात्यात दुरावा निर्माण व्हायचा .,
या तडजोडीचे आयुष्याला सीमा कंटाळली होती. शेवटी तिने आपल्या आईला हा विषय सांगितला . ..
आईने तिला खूप छान रित्या समजावलं , ती म्हणाली की ,”अग आयुष्य हे समुद्रासारखं आहे , लग्न झाल्या झाल्या किनारा खूप मऊ मऊ वाटतो , आणि जसजसे समुद्रात प्रवेश करु तस तसे लाटांचा मारा होऊ लागतो , पण तो लाटांचा मारा सहन करून आपण तसेच पुढे निघून गेलो तर अथांग सागर खूप शांत भासतो पण तिथपर्यंत पोहोचण्यासाठी आपल्याला फक्त सहनशक्ती हवी , एवढे लक्षात ठेव , आणि तुझ्या सासूच्या टोमण्यापेक्षा तुमच्या दोघांचं नातं खूप महत्त्वाच आहे, त्या नात्याकडे तू लक्ष दे , कारण त्या अथांग शांत सागरात तुला त्याची साथ हवी किनारा तर खूप लांब राहतो .”
आईच्या सल्ल्याने सीमाचा संसार अगदी नव्याने फुलून गेला .

रूपाली मठपती …