#माझ्यातली मी

#मी_आणि_सोशलमीडिया सोमी  माझ्या आयुष्यात आली आणि काय सांगू ,तिनं एव्हढी बहार आणली ,की बस रे बस. बँकेत असतांना पहिल्यांदा कॉम्पुटर नामक वस्तू बघितली आणि त्याचा उपयोग करू लागले .बाकी का।।।हि माहित नव्हतं .निवृत्त होण्यापूर्वी गरज म्हणून मोबाईल घेतला फक्त फोनचा वापर ,यथावकाश निवृत्त झाले. काही दिवसांनी मला एक फोन दिला गेला ,म्हणजे घरच्यांनी हो आणि सांगितलं गेलं आता हा वापरायचा, मला कळेचना आता फोन तर वापरत होते हे काय नवीन? अहो,काय सांगू तुम्हाला दिसायला इतका सुदंर होता नवा ।।फोन हो. त्या फोनची शिकवणी सुरु झाली एकेक गोष्ट समजून घ्यायला थोडा थोडा वेळ लागत होता,जरुरीपुरत्या गोष्टी शिकले .एक दिवस भाच्याने फेस बुक का काय म्हणतात ते सुरु करुन दिल ते हळू हळू शिकू लागले .आधी वाटायच आपण काही केलं आणि बिघडलं तर पण नाही  शिकण्याची प्रगती चालू होती. आता मोबाईल वर हात बसू लागला, काही गोष्टी करून बघू लागले आणि जग जिंकल्याचा आनंद झाला ,मला बरचं यायला लागलं. व्हॅट्स अँप पण चालू केलं, इतर काही माहिती त्यात येई,छान वाचन होत होतं करता करता मी काही ग्रुप सुरु केले . फेस बुक वर बरंच काही दिसत होतं नवं नवं आत्मसात करयायला लागले .काही दिवसांनी माझ्या लक्षात आलं इथे खूप काही शिकण्या सारखं आहे,ज्ञान मिळू शकतं, आपल्याला जे माहित नसतं ते शोधता येतं कुणाला विचारू कुणाला वेळ आहे असं बघतं बसावं लागत नाही. असं करता करता एकदा माझ्यातली मी हा समूह मिळाला आणि काय सांगू त्यात मी इतकी रमले,एकरूप झाले,तिथे खूप छान छान लोकांचा वावर आहे,लेखक,कवी,कथाकार त्या सागरात मी  नौका विहार करत असते माझंही थोडंफार लेखन ,करते म्हणजे मला जे सुचेल ते लिहिते . ह्या  सोमीचा  एवढा उपयोग आहे ना,  जसं न खाईल तो पापी .तुम्ही त्याचा आपल्या वेळेप्रमाणे उपयोग करून घेतला पाहिजे. तुम्हाला जसं नवे मित्र मैत्रिणी मिळतात तसंजुने शोधायला पण ह्याची मदत होते. मला एक महत्वाचा उपयोग ह्यामुळे झाला मी माझे लेखन वर्तमानपत्राला पाठवते ते मेल ची सोय असल्याने घरबसल्या पाठवू शकते. फायद्या प्रमाणे तोटेही आहेत पण आपण कोणत्या साधनाचा कसा वापर करायचा हे ठरवावं लागत. असं मला सोशल मीडियाने बरंच काही दिलंय अजूनही मिळतच आहे घेशील किती कराने असं होतंय. अजून काही लिहिता येईल पण मी म्हणलं तसं कुठे थांबायचं हे कळलं पाहिजे ना, आता मी एवढं लिहून पुरे करते. आता मी पण कुणा कुणाला शिकवू लागले आहे. सोशल मीडियाने मला काय दिलं? काय दिलं नाही? ज्योती काळे