” योग्य वेळी, योग्य व्यक्तीकडे व्यक्त होता आलंकी
आयुष्य तडजोड वाटत नाही ” हे वाक्य वापरून कथा. (३/११/२५)
भाग्यवान…….
लग्न ठरण्या आधी वेदाने प्रणवला फोन करून भेटायला बोलावलं. दोघेही एका काॅफी शाॅपमध्ये भेटले. वेदाने सांगितले की, आपल्या पत्रिका जुळल्या, आपणही एकमेकांना पसंत केले. घरचे ही खुष आहेत. पण मला वाटते की, आपण लग्ना अगोदर आपल्या सर्व टेस्टस् करून घ्याव्यात म्हणजे, आपल्यात काही दोष असेल तर, त्याप्रमाणे निर्णय घेता येईल. प्रणव म्हणाला, पण तुला असे का वाटते की, आपल्यात काही दोष असतील? वेदा म्हणाली, प्लिज गैरसमज करून घेऊ नका. पण मी माझ्या एक दोन मैत्रिणींच्या अनुभवातून हे बोलते.
माझी मैत्रीण प्राची दिसायला सुंदर लग्न झाले, मग कळले की, ती कधीच आई होऊ शकणार नाही. खूप प्रयत्न केले पण उपयोग झाला नाही. तिच्या नवर्याला व घरातल्यांना मुल हवे होते. मग काय? घटस्फोट झाला. सलोनीच्या घरच्यांनी खूप खर्च करून दणक्यात लग्न करून दिले. लग्नानंतर कळले की, तो पुरुष नाहीये. बिच्चारी…..तिला आयुष्यात तडजोड करावी लागली.
यामुळे मला वाटते की, आपण सगळ्या टेस्टस् करून घ्याव्यात. आपल्यात काही दोष नसेल तर चांगलेच आहे. पण असेल तर….
योग्य वेळी योग्य व्यक्तीकडे व्यक्त होता आले तर खुपसे गुंते सुटतात व आयुष्यात तडजोड करावी लागत नाही. प्रणव म्हणाला, खरंय तुझे म्हणणे. मी तयार आहे टेस्टस् करायला. सुदैवाने दोघांत काही दोष निघाले नाहीत. त्यामुळे मनात काही शंकाही राहिल्या नाहीत.
शब्द संख्या : २१०