#माझ्यातलीमी
#कवितालेखन
#तोलालगुलाब
#तोलालगुलाब
नाजूक पाकळ्यांचा साज
सुगंधी वाऱ्याची गाज
मनात दडलेलं प्रेम फुलवत
तोच देतो खास अंदाज.
रंगात त्याच्या दडलेली जादू,
डोळ्यांना भिडते लाल छटा.
भावनांचा तो होतो दूत,
गुपित सांगतो न बोलता.
स्पर्शात कोमलता सामावलेली,
सौंदर्याला लाभले तेजोमय थरार.
लाल गुलाब केवळ फूल नाही,
तो प्रेमाचा शाश्वत आधार.
जपले की उमलतो आनंद,
तोडले की उमटते वेदना फार.
लाल गुलाब शिकवतो नेहमी,
प्रेम असतं नि:स्वार्थी अपार.
काट्यांनी वेढलेला असूनही,
तो हसत राहतो अविरत.
जगण्याचा धडा शिकवतो,
सहनशक्तीने रहायचे झळकत.
प्रेमिकांच्या स्वप्नात तो वसतो,
प्रेमाची भाषा तोच बोलतो;
न बोलता हृदयात उतरतो,
भावनांचे गुपित तोच सांगतो.
कधी भेटीचे निमित्त ठरतो,
कधी आठवणींचा सोबती होतो.
कधी सफल प्रेमाची गाथा होतो.
कधी वहीच्या पानात लपून राहतो.
©® Author Sangieta Devkar