जीवनाला आकार देणारे गुरू

#माझ्यातलीमी
#ब्लॉगलेखनटास्क
१७/११/२५

**जीवनाला आकार देणारे गुरू **

माझ्या आयुष्यात अशा खूप व्यक्ती आहेत ज्या माझ्यासाठी स्पेशल आहेत .फक्त एका व्यक्तीबद्दल नाही सांगता येणार. आई ,वडील ,नवरा, मुलगा इत्यादी असे कितीतरी जण आहेत की ते माझ्यासाठी स्पेशल आहेत .

मला असं वाटतं की आपलं हृदय एका व्यक्तीसाठी नसतं तर हृदयामध्ये अनेक कप्पे असतात आणि हृदयाच्या प्रत्येक कप्प्यांमध्ये एखाद्या व्यक्तीचे सार्वभौमत्व असतं त्यावेळी त्या कप्प्यात दुसऱ्या व्यक्तीला ही स्थान नसत. आपल्या हृदयाच्या एका कप्प्यामध्ये जर आईच स्थान असेल तर त्या कप्प्यामध्ये फक्त आईच असते बाकी दुसरे कोणीही नसत, तसं हृदयाच्या एका कप्प्यांमध्ये जेव्हा वडील असतात तेव्हा त्या कप्प्यात फक्त वडीलच असतात तेथे बाकी दुसरं कोणीही नसतं असं आपलं हृदय अनेक कप्प्याने बनलेल आहे आणि त्या प्रत्येक कप्प्यांमध्ये त्या त्या व्यक्तीच सार्वभौमत्व असतं .तर अशा अनेक स्पेशल व्यक्ती आहेत जे माझ्या हृदयात आहेत.

पण आज मी त्यांच्याबद्दल लिहिणार आहेत ज्यांनी मला घडवलं ,ज्यांनी माझ्या जीवनाला आकार दिला , ज्यामुळे माझा आयुष्य सुंदर बनल.

मला अजूनही आठवतो तो दिवस 23 जानेवारी 2002 ज्या वेळेला मी चेन्नईला इंटरव्यू साठी गेलेले. डायरेक्ट त्या कंपनीचे ओनर माझा इंटरव्ह्यू घेणार होते .. आधी त्या कंपनीच्या अनेक मॅनेजर्स ने माझा इंटरव्यू मुंबईला घेतलेला होता आणि माझं सिलेक्शन केलं होत . तरीसुद्धा आमच्या कंपनीचे जे ओनर होते ते मला घेण्याच्या विरुद्ध होते कारण त्यांना त्या पोस्टसाठी एका मुलाची गरज होती जो भरपूर टुरिंग करू शकेल आणि मी married आणि एका दोन वर्षांच्या मुलाची आई असल्यामुळे ते मला घेण्याच्या विरुद्ध होते.

आश्चर्य म्हणजे इंटरव्यू च्या वेळेला मला त्यांनी काही जास्त प्रश्न विचारले नाहीत . पण मला त्यांनी एक उदाहरण दिल ते मला म्हणाले की मी तुला एका अशा व्यक्तीबद्दल सांगतो की जी जनरल मॅनेजरच्या पोस्टला आहे आणि पूर्ण डायग्नोस्टिक फिल्ड मध्ये तिच्याकडे रिस्पेक्टफुली बघितलं जातं .त्यामुळे मी तुला संधी देतो पण खरं म्हणजे मला या पोस्टसाठी फक्त एका मेल कँडिडेटचेच गरज होती.
मी त्या वेळेला मनातल्या मनातच ठरवलं की मी काही झालं तरी जनरल मॅनेजरच्या पोझिशनला तुमच्याच कंपनीत तुम्हाला जाऊन दाखवेल असा मनाशी ठाम निर्णय त्याच दिवशी घेतला .

6 फेब्रुवारी 2002 ला मी त्या कंपनीमध्ये टेरिटरी मॅनेजर ,मुंबई पोस्ट साठी जॉईन केल .त्यांनी मला सुरुवातीला फक्त मुंबई एरिया दिला , नंतर वाढवत वाढवत पूर्ण महाराष्ट्र नंतर गुजरात दिला नंतर वेस्टर्न झोन दिला .आणि टप्प्या टप्प्या ने प्रमोशन देत त्यांच्याच कंपनीमध्ये मला जनरल मॅनेजर पोस्ट च प्रमोशन फक्त पाच वर्षाच्या कालावधीत मिळालं .

2020 ला कोविड पिरियडमध्ये ते कंपनीच्या जबाबदारीतून निवृत्त झाले . पण 2002 पासून ते 2020 ह्या त्यांच्याबरोबर चा माझा पूर्ण प्रवास जो होता त्यात त्यांनी मला खूप खूप शिकवलं .

कित्येक वेळेला अनेक प्रसंग आले अगदी कंपनीसाठी कोर्टकचेरी, पोलीस स्टेशन असे पण प्रसंग आले पण तरीसुद्धा त्यांच्यामुळे मी सगळ्या गोष्टीला पुरून उरले .कारण तेवढा त्यांनी आत्मविश्वास माझ्यामध्ये आणला होता की मी प्रत्येक गोष्ट हँडल करू शकेल.

फक्त भारतातच नाही तर कंपनीसाठी नवीन प्रॉडक्ट्स आणण्यासाठी त्यांनी मला कित्येक वेळेला परदेशात पाठवले . कार , ड्रायव्हर ,लॅपटॉप सगळ्या सुविधा मला त्यांनी दिल्या . कमीत कमी चाळीस इंजिनियर्स टीम , दहा बारा मॅनेजर मला रिपोर्ट करायचे .आणि हे सगळ मी केलं ते घर ,संसार आणि माझा मुलगा सांभाळून .. टाइम मॅनेजमेंट त्यांच्यामुळे मला जमायला लागलेलं..

त्यांच्यामुळे माझ्या आयुष्यात मी खूप शिकले जसं नेतृत्व गुण, व्यवस्थापन, समोरच्याची बोलण्याचा कम्युनिकेशन स्किल हे सगळं मी त्यांच्याकडून शिकले .

माझ्या आयुष्यात त्यांचं जे स्थान आहे ते अगदी वडिलांसारखंच आहे .मला घडवणाऱ्या माझ्या ह्या गुरुला माझा कोटी कोटी प्रणाम ..