आज पु.ल.देशपांडे,यांची जयंती आहे, त्यानिमित्त 👇
“आपले पु.ल. ”
खरं तर कुठून सुरुवात करावी हेच कळत नाहीय…
पु.ल.म्हणजे,आपल्या सर्वं
मराठी भाषकांचे लाडके दैवत…..पुलंनीच ,’असा मी,
असा मी’ मधे म्हटलंय, की ‘राजहंसाचे चालणे,जरी का झालीया शहाणे,तरी इतरांनी ,चालूच नये की काय ‘….. त्याप्रमाणे पुलंच्या बाबतीत अनेक दिग्गजांनी,ईतकं भरभरून लिहीलंय,की आपल्यासारख्या सामान्य माणसाचे शब्द थिटे पडतात… त्यांच्याबद्दल एवढं लिहिले गेलंय की,आता आपण अजून वेगळं काय लिहीणार!
म्हणून एवढेच म्हणावेसे वाटते की,जोवर या पृथ्वीतलावर ( हो, कारण आता मराठी माणूस जगाच्या कानाकोपऱ्यापर्यंत पोचलाआहे… आणि तो आपल्या मातृभाषेला कधीच विसरत नाही.) मराठी माणूस आहे, तोपर्यंत ,पुलंचे अस्तित्व शब्दरुपाने असणारच आहे,हे निर्विवाद आहे…..
अन्न, वस्त्र,निवारा याने माणूस जगतो,म्हणजे जिवंत रहातो,पण या व्यतिरिक्त माणसाला जे काही लागते, की ज्याच्यामुळे, त्याच्या जगण्याला अर्थ प्राप्त होतो, किंवा त्याचे जगणे समृध्द होते, असे सर्वकाही आपल्याला पुलंच्या लिखाणातून मिळते…. माणूस हा नुसता हातपाय हलवणारा,रोबोट नसून,ते एक अजब रसायन आहे म्हणा किंवा अगम्य, गूढ अशी कलाकृती आहे म्हणा…ते , बेमालूमपणे ऊलगडून दाखवायचे काम पुलंनी केलंय,असे म्हणावयास हरकत नाही….
पुलंचे लिखाण ,कोणत्याही काळात, कोणत्याही परिस्थितीत, माणसाच्या मनाचा ठाव घेणारं आहे…. माणसाच्या स्वभावाचे, बारकावे त्यांनी मोठ्या खुबीने मांडले आहेत. माणसाची स्वभाव वैशिष्ट्ये,कुठेही, अपमानास्पद,अथवा विकृतपपणा न आणता,हुशारीने दाखविली आहेत…त्यांनी दिलेल्या उपमा इतक्या चपखल बसतात की त्यांच्या बुध्दीचातुर्याचे आणी हजरजबाबीपणाचे कौतुक करावे तेवढे कमीच आहे … .माध्यमं बदलली तरी , पुलंचे लिखाण कोणत्या ना कोणत्या रुपात सर्वांपर्यंत पोचतेच आहे…..
‘निवडक पु.ल.’मधील कथाकथन कीतीही वेळा ऐकले तरी, प्रत्येक वेळी त्यात नवीन काहीतरी सांपडते,किंवा प्रत्येक वेळी नव्याने आनंद मिळतो.. आणि हा आनंद आज चौथी पिढी घेत आहे…
आपल्यालाही समाजात वावरताना काही काही
‘व्यक्ती , वल्ली ‘ आढळतात, आणि तेव्हा असे वाटते की, आत्ता पुल.असते तर त्यांना
ही ‘वल्ली’ नक्कीच आवडली असती….आणी त्यांची लेखणी सरसावली असती…
नुसतं विनोदीच नाही ,तर मानवी जीवनातल्या इतर पैलूंवरही ,त्यांनी लिहीलेलं
साहित्य चिंतनीय आहे….
असो…. मराठी माणसाला,त्याचं मराठीपण कधीच विसरू न देण्याचं सामर्थ्य, ज्यांच्या लेखणीत आहे,,अशा पु.लंंना, त्यांच्या जयंतीनिमित्त, मराठी माणसाचा शतशः नमस्कार
🙏🙏🙏🙏🙏
धन्यवाद 🙏
प्रतिभा कुलकर्णी.